Aпел за помош на Славче Шоповски

Дваесет и две годишниот Славче Шоповски боледува од цироза на црн дроб. Тоа е редок вид на заболување за кое во Македонија може да се најде само еден лек. И токму тој, Зинкомин му создава компликации на овој велешанец, кај кого лекарите болеста ја откриле по една година откако го лекувале од депресија.

– Во Македонија ги нема лековите. Еден од лековите роднина ми го купуваше од Германија или  од Грција, каде што чини 50 евра. Другиот лек треба да го купам од Данска или Холандија се вика Вилцин и чини 250 евра ,за едно пакување,  а мене месечно ми требаат две дози. Неможам да го купам бидејќи немам пари па затоа користам негова замена се вика Цинкомин но ми создава проблеми со тромбоцитите кои паѓаат кога го пијам. Тој лек единстевно е на позитивна листа и чини 360 денари. Другите два лека не се увезуваат во Македонија па мора некому во Данска и Холандија да испратиме пари за да ми го купи  или некоја аптека одовде да ми се нафати да го набави па јас да им го платам. Но немам пари, рече Славче.

Никој во семејството на Шоповски не работи. Горан Шоповски вели дека се обидел да им објасни на Фондот за здравство, на Бирото за лекови и на министерството за здравство дека лековите за ова ретко заболување треба повторно да ги вратат на позитивна листа но не успеал во намерата.

– Откако го пребродивме шокот и свативме со каква сериозна болест треба да водиме битка јас во неколку наврати се обидов да остварам контакти со трите државни институции. Бев во Фондот и кога ги прашав за лековите што му ги препишаа на Славче тие рекоа дека не ги знаеле. Од таму ме пратија во Бирото за лекови а тие пак во министерството за здравство. Си ја префрлаа топката додека јас очајнички се обидував да им докажам дека се работи за животот на мојот син. Јас немам пари да ги купам а не сакам да го изгубам детето. Без работа сум и ќе прифатам сешто да работам само да дојдам до пари кои ќе можат да бидат доволни за да набавиме лекови, рече таткото на Славче.

ГРАЃАНИТЕ КОИ ЌЕ САКААТ ДА ПОМОГНАТ, СО ПАРИЧНА ПОМОШ, МОЖАТ ДА ЈА ИСКОРИСТАТ ТРАНСАКЦИСКАТА СМЕТКА НА ГОРАН ШОПОВСКИ

210 501647265398 – ТУТУНСКА БАНКА

МОБ.ТЕЛ 076 47 05 11

Тешката болест што го погоди семејството Илиеви ја доведе во прашање и нивната егзистенција. Тие останаа без единствената сигурна плата што ја земаше 45-годишната Елизабета. Еве како можете да помогнете!

Кога пред седум месеци ја имаше првата вртоглавица и лекарите констатираа дијагноза стрептокока во желудник, велешанката Елизабета Илиева, не ни претпоставуваше дека болеста ќе се развие во малигна форма на граден кош и на глава. Четириесет и пет годишната жена веќе не може да работи на лозјата во земјоделската фирма. Седи дома, се лекува од канцерот со хемотерапија и се обидува редовно да ја зема терапијата што онколозите во Скопје и ја препишуваат.

Семејството на Елизабета остана без единствената сигурна плата. Сопругот е градежен работник и во зима нема работа, а сезонски работи извршува и нејзиниот син. Сега во домот на Илиеви единствено сигурни се парите што месечно стигнуваат од центарот за социјални работи за нега на Елизабета. Тоа се  само 4 илјади денари  и премалку за да се купат лековите.

За да го купи лекот дексазон и таблетите против болка семејството на Елизабета моли за помош. Таа пак вели дека потешко се соочува со состојбата да бара помош отколку со вистината дека боледува од тешка болест. Но болката  многу често е неиздржлива и не мине ако не се земат таблети.

Сите што сакаат да помогнат можат да уплатат средства на следната жиро сметка:

Елизабета Илиева

Тутунска банка – Велес

210 501564874374

Апел за помош на Никола Вулетиќ

Јас, Горан Вулетиќ со адреса на живеалиште: ул. Иго Тричковиќ бр. 19/9, Куманово, родител на Никола Вулетиќ, ги молам сите хумани и добронамерни луѓе да донираат парични средства за лекување на мојот тринаесетгодишен син кој е сместен во болницата АџиБадем во Истанбул, Турција.
Имено, на 09.01.2014 година му е дијагностициран тумор на мал мозок (medulloblastoma). Поради сериозноста на дијагнозата, бидејќи се работи за тип на агресивен тумор, како и високиот ризик од негово понатамошно ширење, под итно е извршена операција во истоимената болница во Истанбул од страна на детскиот неврохирург проф. д-р Мемет Озек каде е успешно отстранет. Трошоците за операцијата, вклучувајќи ги сите медицински услуги направени во болницата, како и нашиот престој на мене и сопругата Даниела Вулетиќ беа покриени со сопствени средства во висина од 40.000 евра. Сега за негово понатамошно лекување т.е. хемотерапија и радиотерапија неопходни се средства во висина од 100.000 евра кои ние како родители не сме во можност да ги обезбедиме. Затоа ги молам сите хумани граѓани да донираат парични средства на долунаведената жиро сметка со цел да помогнат во негово излекување.
Жиро сметката на која ќе може да ги уплатите средствата:
300097024332971
Комерцијална банка АД Скопје
на име Никола Вулетиќ
Полномошник: Горан Вулетиќ
Адреса на живеалиште: ул. Тричковиќ бр. 19/9 1300 Куманово
Мобилен телефон 070-424-023
Голема благодарност до сите.

Апел за помош на Анкица Стојковиќ

Aпелот е превземен од профилот на:

Petar Stojkovikj . Сите информации и документи може да ги најдете таму. Секако и да остварите контакт, доколку сметате дека е тоа потребно.

“АПЕЛ ЗА ПОМОШ
Драги пријатели, мојата мајка  Aнкица Стојковиќ (62) повеќе од три седмици ја носам во Градска болница на периодични преврски поради изгореница и корозија на глужд и стапало која сега премина во гангрена. Поради ограничените капацитети, ресурси и персонал во државната здравствена установа сѐ уште не можат да ѝ овозможат хоспитализација и соодветен здравствен третман бидејќи тоа подразбира надзор и асистенција 24/7 особено поради фактот што се работи за слепа жена и дијабетичар. Нејзината состојба се влошува од час во час и постои огромен ризик од прерана смрт доколку не ја добие потребната нега ВО НАЈСКОРО ВРЕМЕ.

Јас со моите скромни, неизвесни и нередовни хонорари успеав да го покријам досегашното лекување, но повеќе немам финансиски средства како би ѝ обезбедил итно лекување во приватна здравствена установа, единствената надеж за спасување на нејзиниот живот. Затоа ви се обраќам на сите Вам и ве молам да ми излезете во пресрет со парична помош во рамките на вашите можности. Вашите донации не само што ќе спасат еден човечки живот, туку ќе ми помогнат да го задржам покрај мене и оној еден преостанат родител.

Донациите можете да ги уплаќате на мојата трансакциска сметка:
Петар Стојковиќ
210501585637903
НЛБ Тутунска Банка

Однапред ви благодарам на вашето разбирање и помош. Ве потсетувам, СЕКОЈ ИЗМИНАТ ЧАС Е ПРЕСУДЕН. Ве молам споделете.

Искрено,
Петар

P.S. Во прилог извештај од специјалист и фотографии од мојата мајка од октомври минатата година.

UPDATE 25.02.2014 23:30h
Драги пријатели, досега собрав 5200 денари. Мајка ми итно беше пренесена во специјалната болница по хируршки болести „Филип Втори“ каде докторите во последен момент успеаа да ја повратат од мртвите (бидејќи веќе навлегла во почетен стадиум на сепса поради несоодветна и ненавремена здравствена грижа во Градска болница).

Сите прегледи, детални анализи и терапии кои ги прими во „Филип Втори“ нѐ чинеа 7190 денари, а утре потребно е да се направи МСКТ на крвните садови на долните екстремитети кое чини 12.200 денари, а потоа следи контрола со наодот кај васкуларен хирург. Од скенот ќе видат дали ќе одат со бајпас варијанта за да обезбедат циркулација во крвните садови во деловите од стапалото што моментално се без доток на кислород (интервенција која оди со партиципација и на терет за ФЗОМ), или втората варијанта е парцијална ампутација на дел од стапало (интервенција која оди приватно и сѐ уште не знам колку ќе чини). Сето тоа зависи од тоа што ќе покаже скенот. Неизмерно и од срце Ви благодарам на сите што досега ми излеговте во пресрет со донација како и оние кои допрва ќе го сторат тоа, и ми помагате да го спасам животот на мајка ми, но исто така и на оние кои ми испраќаат пораки за поддршка и придонесуваат во ширењето на информацијата со споделување.

Хуманитарна забава за Томче Костадиноски

Броеви за донација:
T-Mobile 070 143 113
VIP 077 143 706
ONE 075 143 424

Биди хуман, направи промена!
четврток 21ч
влез 100 ден

 

Tомче Костадиноски боледува од Душенова мускулна атрофија, а болеста му била дијагностицирана кога тој имал околу 6 години. Симптомите кои се јавувале кај малото момче не навестувале дека ќе боледува од тешка болест.
Сега и Училиштето е посебно место за 14 годишниот Томче Костадиноски од тетовско Долно Седларце. Без разлика на временските услови ова момче сака да биде меѓу своите соученици и да го открива светот на науката и знаењето. Но додека неговите другарчиња се на часот по физичка култура во спортската сала, Томче е во својата количка за движење и заедно со едно другарче во училницата стрпливо чека на новиот час.
Медицинскиот центар за матични клетки “Ву” во Пекинг овозможува лекување на болестта Душенова мускулна атрофија, а четири неделниот третман за операција, имплантација на матични клетки, физотерапија, медицински услуги, пат и сместување чини 45.000 долари. Костадиновски апелираат до сите хумани луѓе, да помогнат за посветла иднина на нивниот син.

Крводарителска акција на Твитер заедницата

Превземено од Фб Настанот 

Крводарителска акција

• • Monday, March 17, 2014
  • 

    11:00am until 8:00pm

• ДХО „Даре Џамбаз“ – Скопје

• Втора по ред крводарителска акција организирана од страна на Твитер заедницата. Истата е отворена за сите кои сакаат да ја покажат хуманоста и да даруваат крв.  Биди хуман, дарувај и спаси нечиј живот.