Боки 13 со низа кривични пријави, вклучително и против Зоран Заев, Вилма Русковска и генералните секретари на СДСМ

Бојан Јовановски – Боки 13 поднел кривични пријави против повеќе поранешни функционери, именувани директори, лица кои вршеле јавни функции, судии и обвинители.

Како што изјави тој по денешниот распит во Јавното обвинителство, кривичните пријави се дел од кривично-правна операција „Бумеранг“.

– Се работи за кривични дела кои што се однесуваат на злоупотреба на службената положба и овластување, изборни нерегуларности и измами, незаконско финансирање на политичка партија, злоупотреба на јавни набавки и средства, повеќе кривични дела за кои се поднесени кривични пријави, рече Јовановски.

Тој дополни дека е поднесена кривична пријава и против поранешната шефица на Обвинителството за гонење организиран криминал, Вилма Русковска, за злоупотреба на службена положба, примање поткуп и примена на тортура, против сите генерални секретари на СДСМ, како и против поранешниот претседател на партијата и премиер, Зоран Заев, за кого кажа дека е скоро во секоја пријава.

Прочитајте и:  СДСМ: Подарениот имот на Јанушев е заверен од адвокатот Панче Тошковски

Неговиот адвокат, Владимир Туфегџиќ, појасни дека доказите се во форма на електронски пораки кои Бојан Јовановски ќе ги образложи и во писмена форма.

- Реклама -