Волатилните пазари на акциите, падот на цените на нафтата и поскапиот долар доведоа до динамични преуредувања на листата на милијардери на списанието Forbes, и воопшто, во реалната ситуација, за прв пат од 2009 година.
Во овогодинешното рангирање се вклучени 1810 милијардери, во споредба со рекордните 1826 пред една година. Нивното вкупно богатство се проценува на 6.48 трилиони долари, со намалување од 570 милијарди долари, во споредба со минатата година.
Ова исто така е првата година од 2010 година наваму, во која средната состојба им се намалува. Оваа година таа изнесува 3.6 милијарди долари, или 300 милиони долари помалку од 2015 година.
Вкупно 221 лица отпаѓаат од листата на милијардери, а влегуваат 198 нови; други 29 милијардери од 2015 година починале, а пак 29 од богаташите се повратници на листата. Вкупно 892-ца од милијардерите кои беа вклучени во рангирањето и минатата година, се посиромашни, додека состојбата на 501 е зголемена.
Поместувањата во рангирањето започнуваат уште од врвот. Само две лица од топ 20 на минатогодишната листа успеваат да ги задржат своите места. Бил Гејтс останува најбогат човек во светот со лична состојба која се проценува на 75 милијарди долари, иако е осиромашен за 4.2 милијарди долари во споредба со минатата година.
Гејтс ја предводи листата трета година по ред, а 17-ти пат во последните 22 години. (За 30-те години, во кои Forbes ја изготвува листата, само петмина биле на чело; тројца од овие пет сé уште се меѓу четворицата најбогати во светот, вклучувајќи ги Ворен Бафет и Карлос Слим.)
Местото во рангирањето го задржува и Ворен Бафет, кој ја зазема третата позиција. Сопственикот на Zara – Амансио Ортега, се искачува до втората позиција за првпат, поместувајќи го Мексиканецот Карлос Слим, кој заврши на четвртото место.
Состојбата на Слим е намалена за 27.1 милијарди долари, на 50 милијарди долари во последната година, откако падна цената на акциите на неговата компанија за телекомуникации América Móvil.
Основачот на Facebook Марк Закерберг ја бележи најдобрата година помеѓу сите милијардери. 31-годишникот заработи нови 11,2 милијарди долари и се искачи од 16-то на 6-то место.
Тој и основачот на Amazon, Џеф Безос, за прв пат влегуваат во првите десет најбогати. Исто така, во првите 20 за прв пат влегува милијардер од Кина – Ванг Дизенлин.
Во овогодинешното рангирање има рекордни 66 милијардери на возраст под 40 години. Најмладиот милијардер во светот е 19-годишната Норвежанка Александра Андрес, која има 42 отстотен удел во семејната компанија Ferd Holding, а се занимава претежно со јавање. Вториот најмлад милијардер е нејзината сестра Катарина, која има 20 години. На листата има само 190 жени, а нивниот број се намалува во споредба со минатата година, кога беа 197.
