Сакате ли просториите во кои се наоѓате да мирисаат на јаготки, рузмарин, па дури и на кафе? Scentee е еден мал и чуден додаток за вашиот Apple iPhone. Всушност иако е додаток за iPhone, функционира како еден вид апликација, па доколку го поседувате Scentee, тој ќе распрскува пријатна миризлива арома базирана на временски интервали, опција за подесување како часовен аларм или едноставно- кога вие ќе посакате.
Scentee чини 25 евра и може да се полни со најразлични ароми и мириси. Секоја арома од нив посебно чини околу 3, 70 евра, а трае околу 100 прскања. Можете да изберете помеѓу мирис на кафе, лаванда, рози, рузмарин и јаготки. На Јапонскиот пазар е достапна и аромата на скара.
Scentee уште минатиот Ноември можеше да се најде на iTunes, но беше достапна само за пазарите во САД и Јапонија. Scentee одлично функционира на Apple iPhone 4s, Apple iPhone 5, Apple iPhone 5s и Apple iPhone 5c. Исто така, функционира и на Apple iPad 2 и со третата генерација на Apple iPad. Единствен Android уред кој го подржува овој ароматичен распрскувач е Samsung Galaxy SC-04E, но за жал овој смартфон е достапен само за Јапонскиот пазар.
Текстот е објавен во соработка со Socialnet.mk