Во септември и октомври од подрачјето на Општина Аеродром биле собрани и транспортирани 400 тони мешан отпад до депонијата „Дрисла“.
Екипите на Јавното претпријатие за комунални дејности секојдневно се на терен и отстрануваат кабаст отпад, градежен шут и отпад од дивите депонии и јавните површини.
Од Општина Аеродром информираат дека на граѓаните им е достапна услуга за подигање отпад директно од домовите и негово соодветно и безбедно транспортирање до „Дрисла“ за симболичен надоместок.
Оттаму апелираат граѓаните да не создаваат диви депонии, да ги користат достапните комунални услуги и да придонесат за почиста општина.
