Поради утринските обврски, како спремање појадок за децата, пеглање во последен час, шминкање…тешко постигнувате да го почнете денот здраво. Ние ви откриваме еден брз и здрав ритуал кој би требало да го усвоите.
Потребна ви е само чаша млака вода со половина исцеден лимон. Богата е со антиоксиданси, има одличен ефект на имунитетот, метаболизмот, изгледот и чувството на ситост.
Го зајакнува имунитетот
Овој напиток е богат со витамин Ц и го зајакнува имунитетот. Освен тоа, нутриционистите велат дека витаминот Ц од лимонот му помага на телото да го апсорбира железото, особено она кое го наоѓаме во намирниците што не се од животинско потекло.
Го подобрува варењето на храната
Сокот од лимон има слична структура со желудочните сокови и има позитивно влијание на гастроентеролошкиот тракт. Освен тоа, сокот од лимон е добар против подуеноста.
Ја регенерира кожата
Лимонот е одличен во борбата против стареењето на кожата. Антиоксидансите што ги содржи се борат против слободните радикали што предизвикуваат стареење. Витаминот Ц помага во производството на колаген кој ги држи борите под контрола.
Го намалува апетитот
Лимонот содржи пектин кој создава чувство на ситост.
Ја балансира PH вредноста
Чаша вода со малку лимон ја намалува киселоста на организмот. Имено, овој напиток содржи лимонска киселина, а не создава киселини во телото.
Го освежува здивот
Антисептичките својства на лимонот ги убиваат лошите бактерии во устата и делуваат дезинфекционо. Чаша лимон и вода наместо кафе наутро е подобар избор.
Помага во зараснување на раните
Овој напиток го штити здравјето, ги намалува стресот и депресијата, а освен тоа содржи витамин П кој поволно делува на капиларите. Освен тоа што помага кај зараснувањето на раните, лимонскиот напиток е добар и за здравјето на коските, ткивата, а ги смирува и воспаленијата.
