Ако се обидувате да ја намалите тежината, најверојатно сте се обиделе со повеќе диети, но тие немаат ефект. Можеби држите строга диета неколку дена, но на крај попуштате. Знаете кои чести грешки да ги избегнувате, па јадете појадок секој ден, пиете многу вода – но нешто повторно не е во ред. Еве неколку грешки кои најверојатно не сте ни забележале дека ги правите.
Ако се обидувате да ја намалите тежината, најверојатно сте се обиделе со повеќе диети, но тие немаат ефект. Можеби држите строга диета неколку дена, но на крај попуштате. Знаете кои чести грешки да ги избегнувате, па јадете појадок секој ден, пиете многу вода – но нешто повторно не е во ред. Еве неколку грешки кои најверојатно не сте ни забележале дека ги правите.
1. Јадење премалку
Многу луѓе не сфаќаат дека јадењето премалку ве спречува од успешно отстранување на вишокот килограми. Човечкото тело е добро во приспособување на тешки услови (така сме преживувале во минатото кога имало малку храна). Ако јадете многу малку подолго време, вашето тело ќе стане супер ефикасно во задржувањето на масните резерви. Исто така, вашето тело ќе почне да ги жртвува мускулите за да добие енергија.
Нутриционистите препорачуваат да јадете најмалку 1000 калории дневно (дури и повеќе за мажите). А ако диетата ја дополнувате со вежбање, тогаш ќе ви треба уште повеќе. Не се обидувајте да слабеете со прегладнување или сериозно намалување на калориите: ќе загубите многу малку килограми, кои ќе се вратат штом продолжите да се храните нормално.
2. Монотона исхрана
Многу луѓе кои држат диети наоѓаат неколку „добри“ (хранливи, лесни за подготвување и со малку калории) оброци, и ги ротираат на дневен или неделен распоред. Диетите најчесто охрабруваат вакво монотоно однесување. Проблемот е што на многу од нас брзо ни станува здодевно јадењето на истите работи секој ден. Ако вашиот ручек е идентичен како и претходните четири дена, тогаш полесно ќе паднете во искушение да го избегнете и да посегнете по брза храна.
3. Погрешно проценување на големината на порциите
Како и поголемиот дел од луѓето, и вие најверојатно ги турате утринските житарици директно во чинија. Една чинија е совршената порција, нели? Обидете се да ги измерите житариците и да ја користите количината препорачана на пакувањето, вашата порција може да биде и двапати поголема. Изградете навика да мерите сè: малкумина можат прецизно да оцената од око. Користењето на помали чинии исто така може да помогне во намалување на големината на порциите.
4. Третирање на вежбањето како обврска
Кога некој ќе спомне „вежбање“ која е првата работа на која помислувате? Најверојатно вежбањето ве асоцира на нешто што „мора“ да го направите (како чистењето на домот или посетувањето на оние роднини кои потајно сакате да се откажат од вас). Иако третирањето на вежбањето како обврска може да ви помогне да се чувствувате доблесно, па дури и надмено, на тој начин се зголемуваат шансите побрзо ќе се откажете. Побарајте некоја активност во која уживате и која со нетрпение ќе ја очекувате. Сè што придонесува да се движите и што ви го забрзува пулсот ќе има ефект: пешачење, работење во градината, пливање, велосипедизам, веслање, итн.
5. Импулсивно јадење
Ова е најголемата грешка која сите ја прават, а тешко се избегнува: импулсивното јадење. Можеби еден од вашите колеги донел прекрасна роденденска торта или вашите деца направиле колачиња. Можеби си подготвувате кафе и вашата рака инстинктивно посегнува кон грицките во близина без вие да забележите.
Кога ќе се најдете во ситуација да посегнете по храна која не сте планирале да ја јадете, застанете. Дали сте гладни или јадете само зашто храната е тука? Не си забранувајте храна, но застанете и размислете. Еден ефикасен начин да се спречи импулсивното јадење е да си кажете: „Ќе земам едно колаче (или што било) за дваесетина минути“. Најчесто, кога ќе поминат тие дваесетина минути, ќе се изгуби желбата. А ако сè уште го сакате тоа мало задоволство, тогаш не брзајте и уживајте во секој залак!
6. Грижа за остатоците
Колку често сте изеле нешто со изговор „да не се фрла“? Без разлика дали го довршувате она што го оставиле вашите деца или го земате последното колаче, таа непотребна храна се претвара во вишок килограми на вашето тело. Зачувајте ги остатоците за наредниот ден. На долг рок, нели би било полошо ако имате лошо здравје и прекумерна тежина (потенцијални трошоци за здравствена грижа или скапа диетална исхрана) отколку да фрлите половина ќесичка неизеден чипс?
7. Престрого однесување
Последна грешка која многу луѓе кои држат диети ја прават е што премногу се трудат. Си забрануваат многу типови на храна или стануваат опседнати со броење на секоја калорија. Ова е гарантиран начин да изгубите контрола во случај на нешто неочекувано: на пример, забава со шведска маса, или „попуштање“.
Дозволете си малку простор за маневрирање. Не ја третирајте диетата како „сè или ништо“. Дефинитивно не мора да бидете „совршени“ (без разлика како го дефинирате терминот) за да си го подобрите здравјето, да ослабете и да добиете повеќе енергија.
