4
Триесетгодишната Меган Снук не се чувствувала добро, била со отечени стапала и раце, заматен вид и главоболка која ја полудувала – симптоми кои можеби би ги игнорирала доколку не била во седмиот месец од бременоста.
Таа испратила фотографија од нејзиното последно мерење на крвниот притисок – 150/126 – на нејзината пријателка Карли, медицинска сестра. Крвниот притисок над 130/80 се смета за висок ризик за секого, а уште поопасно е за бремена жена.
Меган знаела дека нешто не е во ред, но лекарите не се согласиле со неа, велејќи и дека се е во ред и дека таа е само исплашена. Како што паѓал крвниот притисок, така се намалувале и нивните грижи, иако нејзините нозе сè уште беа ненормално отечени.
– Чувствував дека не ме сфаќаат сериозно, како да сум хипохондрик, рекла Меган, а пренесува „Heartandstroke”.
Болката во главата и станувала неподнослива, во осум часот врескала довикувајќи го својот сопруг. Не можела да се движи, не гледала, а левата страна од телото и била целосно парализирана.
Откако Џејс се јавил на 911, Меган се вратила во болница. Лекарите и дијагностицирале на Меган два хеморагични мозочни удари, едниот во десниот окципитален лобус, а другиот во десниот париетален лобус на нејзиниот мозок, како последица на еклампсија – состојба на абнормално висок крвен притисок што ги погодува трудниците.
Дури 30 од 100.000 жени доживуваат мозочен удар за време на бременоста. Овој тип на мозочен удар може да биде предизвикан од многу висок крвен притисок, така што превенцијата вклучува одржување на крвниот притисок со лекови, а понекогаш и хируршка интервенција.
Здравствените работници немаат доволно информации за жените и за мозочните и срцевите заболувања, особено за време на бременоста. Тоа е проблем што произлегува од јазот во истражувањето: две третини од учесниците во клиничките испитувања за кардиоваскуларни болести биле мажи.
