Рускиот претседател Владимир Путин денеска му нареди на министерот за одбрана Сергеј Шојгу да воведе дводневен прекин на огнот долж целата линија на фронтот со Украина, почнувајќи од полноќ на 6 јануари.
Според соопштението од Кремљ, прекинот на огнот ќе трае до полноќ в сабота.
Русија ја повика и Украина да прогласи прекин на огнот и да им се дозволи на луѓето да присуствуваат на богослужбите на Бадник и Божик.
Советникот на украинскиот претседател, Михаил Подољак, меѓутоа, предлогот го оцени како „цинична измама и елемент на пропаганда“.
Претходно, како што беше објавено на веб страната на Руската православна црква, рускиот патријарх Кирил повика за прекин на огнот и „Божиќно примирје“ во реоните на воени дејствија во Украина.
„Јас, Кирил, патријарх на цела Русија, се обраќам до сите страни што се во конфликтот со повик за прекин на огнот и Божиќно примирје од попладне на 6 јануари до полноќ на 7 јануари, за да можат православните да присуствуваат на Бадник и на Божик“, повика патријархот.
Извор: МИА
