10 најлоши вработени

Учениците од петто одделение во Калифорнија добиле шокантна лекција за „пчелите и птиците“, благодарение на својата наставничка Кристал Дефанти и нејзиното домашно видео. Таа нејзиното видео случајно го вметнала меѓу училишната видео арива, но грешката била забележана дури откако било испратено во куќите на учениците. Дискот почнува со нормално мени, на кое може да се видат училишните патувања, па како учениците раскажуваат за нивното училиште…и одеднаш – секс. Наставничката веднаш отишла во еден од домовите и лично им се извинила на родителите, замолувајќи ги да им се јават на сите познати со цел децата да не го видат видеото. Иако грешката е голема, наставничката е примерен член на заедницата и почитувана од родителите, па мали се шансите таа да ја изгуби работата, иако случајот се уште се испитува.

Сите сме гледале како на репортажи во живо случајно ќе влета некој во кадарот. Но, ретко може да видите како тип гледа порно страници во позадината, додека неговиот шеф дава интервју. За време на репортажата околу Австралиската економија, претставник од Macquarie банката зборуваше за каматите и инфлацијата. Најдосадната работа во светот, нели? Но баш тогаш, сите го забележаа човекот позади неговото десно рамо како гледа слики од голи жени (моделот на Victoria’s Secret – Miranda Kerr), додека си зборува со колегата. По некое време тој се врти и ја забележува камерата позади него, која го снима цело време. Банката подоцна изјави дека „работата ќе биде решена“.

Питиас Браун беше човекот задолжен за обезбедувањето на аеродромот во Њуарк, но тој си имаше и друго „хоби“. Имено, од багажот на патниците украл роба вредна 200,000 долари. Меѓу украдените работи имало и камера вредна 47,900 долари, како и друга опрема за снимање. Brown го привлекол вниманието на една од своите жртви кога се обидел да ја продаде опремата на eBay. Полицијата откри 66 камери, 31 лаптопи, накит и многу други работи во домот на Браун, кој подоцна беше обвинет за кражба.

Емали Бауер била координатор за продажба во хотелот Sheraton и имала многу слободно време, но морала да изгледа зафатено за да не добие прекор. Па, таа започнала хронолошки да го забележува секој момент од нејзиниот работен ден во дневник, пополнувајќи 300 страници. Нејзиниот шеф го пронашол дневникот, со што добила… многу повеќе слободно време.
Извадок од нејзиниот дневник:
„Со ова куцање по тастатурата мислам дека успевам. Изгледа дека работам нешто многу важно и напорно“
и:
„Тука сум само поради парите и, во последно време, печатачот. Не сум постигнала ништо веќе подолго време – и се уште ме плаќаат повеќе од порано, а со помалку работа од порано. Всушност, кога ќе размислам, супер е така. Можам да купувам онлајн, да играм игри, да читам форуми и да бидам платена за тоа“

23-годишна девојка, возејќи го позајменото Ферари од својот шеф, изгубила контрола врз автомобилот и се превртела, предизвикувајќи штета од 125,000 долари. Таа не била повредена, но нејзиниот шеф бил малку нервозен.

Работникот во компанијата JetBlue заспал во карго кабината и случајно бил испратен во Бостон, во внатрешноста на еден авион. Сидни Нурс летал 322 километри во каргото. Тој се онесвестил додека се истоварал багажот (во кој бил и тој) и не се разбудил се додека летот B6-1004 не бил подготвен за полетување. Nurse испаничил кога му текнало дека авионот е во воздух и од својот мобилен се јавил на претпоставените од JetBlue… за да им каже каде е 🙂

Стивен Реид бил 23-годишен хотелски чистач во Шкотска, кој само сакал слободен ден од работа. Наместо да си побара, Реид кажал дека е нападнат. За да му докаже на својот шеф, тој извадил жилет од својот џеб и го влечел по своето лице. Тој истотака земал и камен со кој се удирал по главата и телото. Отишол во полицска станица за да го пријави „нападот“, во која подоцна изјавил дека лажел и добил казна од 100 фунти за трошење на времето на полицијата. Кога го прашале за инцидентот, изјавил: „Сега кога ќе ми текне, требаше да се јавам на работа и да им побарам слободен ден“.

Последната вработена која си отишла од градинката во Далас случајно заборавила 2-годишно девојче внатре, речиси 2 часа. Мајката на детето, Ешли Хантер, се јавила во полиција кога отишла да го собере девојчето. Слушнала како девојчето плаче, но не можела да влезе бидејќи портата била заклучена. Според луѓето од градинката, се работело за „проблем во комуникацијата“.

Работничките требало да процесираат одреден број на билети, но наместо тоа, тие секој ден по 15-20 од нив ставале во фиока. Тие никогаш не можеле да стигнат со работата, па секој ден продолжиле да го прават истото. Кога сè било откриено, во фиоката биле најдени 3.400 билети кои не биле процесирани и ставени во системот. Службата на метрото оттогаш ставила систем со скенирање со цел ова да не се повтори, а жените биле отпуштени.

Најлошата Facebook приказна од сите. Девојката почнала да пишува грдни зборови за својот шеф, па дури и го клеветела за сексуално вознемирување. Само што, заборавила дека и него го има меѓу своите пријатели, па тој прочитал сè што таа напишала. Одговорот и стигнал веднаш и таа била отпуштена… преку Facebook.