Вагит Алекперов, еден од најбогатите луѓе во светот, поднесе оставка како извршен директор на втората по големина нафтена компанија во Русија – „Лукоил“, пренесе МИА.
Во соопштението, нафтениот гигант потврди дека Алекперов ќе се повлече од функцијата директор и претседател на компанијата.
Не е објаснето зошто Алекперов поднесува оставка, ниту кој ќе ја преземе функцијата.
Инаку, „Лукоил“ беше една од првите руски компании кои отворено побараа итен прекин на војната во Украина и решение на конфликтот по пат на преговори и дипломатски средства, уште на 3 март.
