Информацијата дека Мицкоски имал контакти со некој од уапсените во случајот „Двојник“, или како што опозицијата го нарекува – афера „Мафија“, е смешна, вели потпретседателот на ВМРО-ДПМНЕ – Александар Николоски.
Според него, СДСМ неколку дена по ред пласира класичен фејк њуз, односно целосно лажни вести, а со цел да ја сокрие својата одговорност, мислејќи дека ќе ја дефокусира јавноста.
„Единствен со кого претседателот на ВМРО-ДПМНЕ – Христијан Мицкоски, имал контакт изминатиов период, а кој што можеби е поврзан со овие работи, е Зоран Заев“, одговори Николоски, откако министерот за внатрешни работи Оливер Спасовски денеска во „Утрински брифинг“ рече дека еден од уапсените бил во секојдневен контакт со Мицкоски.
„Ако Оливер Спасовски мисли на Зоран Заев, тогаш да, имаа контакт. Видовме сите, имаше лидерска средба“, рече Николоски.
