На најцpниот ден дотогаш од појавата на Ковид-19 во САД – со 1344 пoчинати во 24 часа, американскиот претседател Доналд Трамп вчера одржа ретко видена прес-конференција во Белата куќа, каде направи сѐ освен да им влее утеха и да ги смири американските граѓани.
„Хаосот и збунетоста кои Трамп ги предизвика на најтpaгичниот ден беа неверојатни дури и за негови стандарди. Наместо да ја смири нацијата во време на најголемата кpиза од Втората светска војна, Трамп се пресмета со противниците и ја прозва дури и СЗО. Ова беше тешко за гледање“, пишува CNN.
За почеток, Трамп го смени Глен Фин – главниот инспектор на министерството за одбрана, кој требаше да надгледува како ќе се трошат речиси 2-те илјади милијарди долари економска помош кои Конгресот неодамна ги изгласа. На чело на Одборот за доделување на средства Фин беше номиниран и поставен од страна на независни федерални експерти, но Трамп одлучи дека нивниот избор не е најдобар, па на негово место постави свој човек Шон О’Донел.
Трамп ја смени и портпаролката на Белата куќа Стефани Гришам, а на нејзино место ја постави Кејли МекЕнан, која во моментов е позната по нејзината неодамнешна изјава дека, благодарение на Трамп, Америка нема да има проблем со коронавирусот. Тоа е четврта смена во администрацијата на Трамп, откако во петокот го смени главниот инспектор на разузнавачката заедница Мајкл Аткинс, кој во Конгресот ги пријави информациите кои резултираат со гласање на доверба за Трамп минатата година.
Трамп не бил предупреден…
Многу пoшoкантна беше изјавата на Трамп во обраќањето до новинарите дека не го видел дописот од еден од своите главни советници Питер Наваро, кој уште во јануари предупреди дека САД би можеле да достигнат и до 100 милиони заpaзени со 1 до 2 милиони пoчинaти од коронавирусот.
„Не сум го видел тој документ, а не го ни побарав“, рече Трамп, иако и во македонските медуими се пишуваше дека бројките во САД можат да достигнат и до 96 милиони заpaзени.
САД ќе престанат да ја финансираат Светската здравствена организација?
По ова, Трамп се нафрли на СЗО и најави дека САД, кои се најголем финансиер на организацијата, би можеле да го намалат или целосно да го прекинат финансирањето.
„Погрешија. Предоцна прогласија пандемија, а требаше тоа да го направат многу порано. Супер е кога такви организации добро функционираат, но тие во овој случај направија сѐ погрешно и застанаа на страната на Кина. Ќе го прекинеме финансирањето на СЗО“, рече Трамп, за неколку минути подоцна да спомне дека само ќе размисли за таквиот чекор.
Иванка
На прес-конференцијата, Трамп го демантираше и својот главен економски советник, кој изјави дека програмата за помош на малите претпријатија не започнала најдобро откако им беше отежнат пристап до финансиската помош. Според Трамп, обратно е – програмата функционира совршено, за што ја пофали својата ќерка Иванка Трамп како лично заслужна за создавање на „најмалку 15 милиони работни места“.
Речиси 2.000 пoчинати во 24 часа
Во меѓувреме САД забележаа нов најцpн рекорд со речиси 2 илјади пoчинaти од коронавирусот во последните 24 часа, според податоците на унивезитетот „Џон Хопкинс“. Со новите 1939 пoчинати, вкупниот број во САД се искачи на 12.722, со што САД се приближија до Италија (17.127) и Шпанија (13.798). Веќе од средината на минатата недела САД бележат по повеќе од 1.000 пoчинати на ден.
Во САД се регистрирани повеќе од четврина од официјално потврдените случаи во светот, со вкупно 396.223 и 29.609 нови во еден ден.
Според Трамп, овие бројки се должат на тоа што САД прават повеќе тестирања од било која друга земја на светот:
„Америка и понатаму спроведува најмногу тестирања од било која земја во светот и мислам дека затоа имаме најмногу случаи на заpaзени. Сигурно знам дека некои земји со голем број жители имаат многу повеќе заpaзени отколку ние, но не ги пријавуваат“, рече американскиот претседател, додавајќи дека во САД се направени околу 1.8 милиони тестови.
