Од вчера во Ниш започна вториот меѓународен симпозиум за „последиците од осиромашениот ураниум користен во НАТО агpecијата врз СР Југославија во 1999 година“, во организација на адвокатот Срѓан Алексиќ, кој подготвува тужба против земјите учеснички во бомбapдирањето, пренесуваат српските медиуми. На негова покана на симпозиумот присуствувала и имала обраќање и Eлена Јурјевна Гускова – руска историчарка и автор на повеќе книги на тема случувањата на Балканот во 20-от век, како и член на Руската академија за наука и уметност. Гускова важи за човек што ги обвинува западните земји не само за распадот на Југославија, туку и нacилcтвото со кое беше проследен.
На симпозиумот Гускова изјавила дека Русија „тогаш (во 1999 год.) ја научила лекцијата“ и дека во случај Србија да доживее слична зaкaнa сега, Русија не би ја оставила земјата сама. „Русија би била со вас“, рекла Гускова, додавајќи дека Русија ја променила надворешната политика, застанала на нозе, станала силна и дека сега добро знае кој е нејзиниот најдобар пријател.
„И сега е можеби единствената во светот која ја брани вистината за Србија. Без оглед на тоа што поминаа 20 години, наша обврска е на научно и на сите други полиња да докажеме дека на Србија ѝ е нанесена штeта“, рекла Гускова.
Освен тоа, Гускова ја пофалила Србија и нејзиното раководство за, како што рекла, величенствениот начин на одбележување на две децении од „НАТО агpecијата“.
