Денес е 29 октомври, светскиот ден на борба против псоријазата
Денес псоријазата е сé повеќе распространето заболување кое иако не е заразно, претставува сериозен сигнал дека организмот не е здрав. Покрај лекарствата што ви ги препишале, ви советуваме да воведете избалансиран режим на исхраната кој и тоа како може да помогне заболувањето побрзо да се надмине.
Треба да јадете што повеќе разноврсно овошје, зеленчук и интегрални житарици. Зеленчукот нека биде суров, како што се морковот, репката, корен од керевизот (целерот), спанаќот, магдоносот, марулата и зелката. Внесувајте што повеќе течности, минимум два литри вода на ден, а избегнувајте ги соковите со засладувачи и конзерванси.
За да се изборите со псоријазата, драстично мора да го намалите внесот на маснотиите и на простите јаглено хидрати. Не јадете намирници што содржат црвен пигмент (патлиџан, кечап, црвени бобинки), од друга страна, можете да јадете до 150 грама зајачко, мисиркино или чисто говедско месо.
Диетата за лекувањето на псоријазата почитувајте ја од 30 до 60 дена, и резултатот сигурно ќе го почувствувате „на ваша кожа“.
Сепак, препорачуваме најпрвин да консултирате лекар , бидејќи тој најдобро ќе ја разбере природата и степенот на заболувањето и ќе ви препише соодветна терапија.
