Во последно време, по интернет порталите често се пишува за тоа што се случува во телото откако ќе испиеме одредени пијалоци. Дојде редот и на Red Bull.
Уште во првите 12 минути откако ќе испиете само една лименка од енергетскиот пијалок, се зголемува крвниот притисок и се забрзува пулсот. По 12-24 часа почнувате да чувствувате главоболка, нервозни сте и често имате запек. Наводно, за организмот целосно да се исчисти од ефектот на Red Bull, потребни му се дури 12 дена.
Експертите советуваат дека составот на споменатиот енергетски пијалок е мошне непријатен за вашето здравје.
„Толку е голема содржината на шеќер, што тоа е застрашувачко. Дополнително, pH вредноста му е иста со онаа на оцетот. Во комбинација со толку шеќер, тоа е совршена формула за уништување на забниот енамел. Големата колиќина на кофеин во пијалокот нема да ви донесе ништо добро, напротив“, објаснува д-р Стјуарт Фаримонд за Daily Mail.
