Во источна Украина, во близина на руската граница, се сруши малезиски патнички авион Boing 777 кој патувал од Амстердам до Куала Лумпур, и никој од 298-те патници не ја преживеал несреќата!
Холандскиот премиер Марк Рут изјавил дека вчерашниот ден бил ден на жалост во Холандија, а падот на малезискиот авион е веројатно најужасната авионска нереќа во историјата на Холандија.
Во паднатиот авион, меѓу загинатите патници биле и реномирани научници, делегати кои оделе на конференција за СИДА во Австралија. Еден од нив е големиот холандски научник и експерт за СИДА, Јоер Ланге.
Познато е од кои земји биле некои од патниците во авионот. Станува збор за 154 Холанѓани, 27 Австралијанци, 23 Малезијци, 11 Индонезијци, 6 Британци, 4 Германци, 4 Белгијци, 3 Филипинци и 1 Канаѓанец. Сите 15 членови на екипаж биле со малезијска националност.
Малезијскиот премиер Најиб Разак рекол дека MH17 не дал никаков повик за помош пред падот.
Американските медиуми се повикуваат на високи извори од безбедносните служби, известуваат за потврдата дека урнатиот Boing навистина е погоден од проектил, но не можеле да потврдат кој стои зад тоа.
Владимир Путин за овој страшен настан ја обвини Украина. „До оваа трагедија не би дошло доколку на тоа тло имаше мир, односто да не беа обновени воените акции на југоисточна Украина“, рекол Путин.
Европската контрола на авионскиот сообраќај забранија летови над Украина, бидејќи е воена зона.
Проруските сепаратисти тврдат дека се спремни на триденевен прекин на огнот на кризното подрачје каде се прави расчистување на местото на падот на авионот.
Светските лидери, Обама и Меркел шокирани од настанот, побарале меѓународна истрага за да се увидат сите околности на падот на малезискиот авион, и инсистира сите докази во врска со падот да останат на местото на несреќата.
