Пропустите во меморијата можат да бидат засрамувачки и проблематични. Но неколку заборавени детали не се доказ дека меморијата ви откажува.
1. Повеќе спиење
Експертите се согласни дека ако можете да направите само една работа за да си ја подобрите меморијата, тогаш спијте повеќе. „Спиењето е клучно за вашиот мозок да ги зацврсти врските помеѓу невроните“ вели Нил Барнард од Универзитетот Џорџ Вашингтон. Едноставно правило: Спијте седум до девет часа дневно, вклучително и куси дремки во текот на денот.
2. Џогирање
Трчање, велосипедизам или пливање, или било каква кардиоваскуларна активност 20 до 30 минути три пати неделно ќе ви ја подобри меморијата. Зголемениот проток на крв во мозокот го стимулира хипокампусот (клучен дел од мозокот кога меморијата е во прашање), и го зголемува лачењето на неуротрофски фактор, протеин неопходен за долгорочна меморија.
3. Храна и пијалак
Вашиот мозок не може да функционира соодветно без клучните хранливи материи и хемиски соединенија. Боровниците се врвен извор на антоцијанини, антиоксиданти кои го стимулираат мозокот.
4. Додатоци во исхраната
Има неколку додатоци во исхраната кои го стимулираат растот на нови неврони и ги намалуваат супстанците кои ги попречуваат когнитивните функции. Стандардот е рибино масло кое било поврзано со намалување на ризикот од проблеми во мозокот бидејќи содржи DHA, omega-3 масна киселина која го намалува производството субстанци кои ја попречуваат меморијата.
5. Мирување
Медитацијата ги подобрува концентрацијата и фокусот, што има бенефит за меморијата. Дополнително медитацијата го намалува стресот кој може да има негативен ефект врз меморијата.
6. Пробување нешто ново
Новите искуства, како одење на работа по нов пат, можат да ја подобрат меморијата. Нашите мозоци постојано решаваат што е важно за памтење а што може да биде заборавено. Кога сме во нова ситуација нашите мозоци претпоставуваат дека таа информација е важна и ја меморираат.
7. Лековите имаат влијание
Некои лекови можат да имаат ефект врз меморијата, дури и антихистамините, антидепресантите, лекови против анксиозност и помагала за спиење. Секој од нив има влијание врз мозокот.
8. Лекарски преглед
Два посериозни здравствени проблеми можат да предизвикаат загуба на меморија: чувствителноста на глутен и проблеми со тироидната жлезда. Ако страдате од неоткриена чувствителност на глутен и протеини од житото, јачменот и ‘ржот и продолжите да јадете леб и колачи вашата меморија може да страда.
9. Ментална стимулација
Знаеме дека когнитивно активните луѓе имаат подобра меморија во подоцна возраст. Менталната активност ги зацврстува врските помеѓу невроните што води до подобра меморија.
