4 луди реклами кои попатно заборавиле што продаваат (видеа)

На почетокот, во првите 48 секунди, ова е најдобрата реклама на сите времиња – две атрактивни девојки облечени во облека прикладна за спиење, страстно се милуваат, бакнуваат итн. Но, тогаш почнуваат чудните нешта. Дрвото крај кое се застанати одеднаш оживува и им се заканува. Тие пак, земаат секири и започнуваат да ја сечат неговата кора, по што однатре започнува да извира сок од портокал, кој лезбејките започнуваат да го пијат. Целата реклама минува без да се спомне ниту еден производ или услуга што компанијата го нуди (освен ако не продаваат крв од садомазохистички луѓе-дрва, во кој случај им должиме извинување).

Во првите 8 секудни од оваа реклама имаме статичен кадар од бела жена со израз на лицето каков што нема направено ниедна друга жена во постоењето на светот, освен доколку не се погодило нејзиниот гинеколог да е Секачот од „Нинџа желки“. Потоа, таа се обидува да прикаже емоција, но тогаш почнува да изгледа како жртва на сестрата Речет од „Лет над кукавичкото гнездо“. Камерата полека ротира и гледаме дека задниот дел од нејзината глава недостастува, а внатре е поставена сценографија, на која минијатурни верзии од неа и нејзиниот сопруг гледаат филм на постар модел на проектор, додека самата жена-андроид гледа нешто на телевизор. На крајот од рекламата добиваме информација дека се работи за сервис на Мајкрософт кој нуди симнување филмови преку X-box. Не дека некој ќе го запомни тоа, зашто во тој момент, сечиј мозок се обидува да закрепне од она што го виде – кутрата жена чиј череп е пресечен на половина.

Одеднаш и без предупредување, добиваме кадар од еден куп скелети од бебиња кои танцуваат на лош ремикс од Staying Alive. Тоа очигледно го задоволило големото божество и тоа веднаш почнува да ги гаѓа мртвите бебиња со водопад од млеко. Потоа, од млекото излегуваат и млечни производи, путер, сирење и од некоја чудна причина – тостери?! Рекламата завршува на единствениот можен начин – еден од скелетите цица директно од кравата.

Оваа реклама е вистинско ремек-дело. Два пејнтбол тимови во жолти и зелени униформи трчаат наоколу, напаѓаат џиновски јазик, паралелно со нив, две џуџиња скокаат наоколу, компјутерски генерирана жаба голта компјутерски генериран гуштер, една статуа се крши, пластични роботи се тепаат, сперматозоид оплодува кришка лимон… и секако, тука некаде е и Леброн Џејмс.