Стокхолм, 5 мај 2022 (МИА) – НАТО ќе го зголеми своето присуство околу границите на Шведска на Балтичкото Море додека се обработува потенцијалното барање на земјата за членство во Алијансата, изјави генералниот секретар на НАТО – Јенс Столтенберг, за шведската телевизија СВТ.
„Од потенцијалниот момент кога Шведска ќе поднесе барање за членство и кога НАТО ќе каже дека сака да го прифати, постои многу силна посветеност од НАТО да ја гарантира безбедноста на Шведска“, рече Столтенберг.
Москва ги предупреди Шведска и Финска за „сериозни последици“ и рече дека може да распореди нуклеарно оружје и хиперсонични ракети во нејзината енклава Калининград доколку двете земји станат членки на НАТО.
