Често прозевање, безволност, брз замор? Не сте сами. Тоа се само дел од симптомите кои ги чувствуваме во периодот на преминување од зима во пролет, а се резултат на таканаречениот пролетен замор.
Овие симптоми, заедно со намалената концентрација и постојаната потреба за спиење, настануваат поради послабата телесна активност во текот на зимата, како и намалениот внес на витамини.
Со цел да го подигнете нивото на енергија, ви предлагаме здрав и вкусен напиток полн со витамини и минерали.
Еден од најдобрите подигнувачи на енергија кој е присутен во свежото овојше и зеленчук е витаминот Ц. Освен што помага при апсорпцијата на железо, се смета за вистински чувар на здравјето. Претпоставувате, во напитоков против „зимскиот сон“ има многу таков.
Потребни состојки:
• 4 големи листови од блитва
• 1 рендан морков со средна големина
• 1 цеден портокал
• 1 лажичка мед
• 2 лажички лимонов сок
• ½ лажичка куркума
• пар коцки свежо цвекло
• малку рендан ѓумбир (ако сакате, не морате)
• 2 децилитри вода
• неколку коцки мраз
Подготовка:
Ставете ги сите состојки во блендер или соковник, измиксирајте ги и уживајте во енергетската чаша за здравје.
