Меркел бара поддршка од Америка, Русија и Блискиот исток.
„На Европската Унија и е потребна поддршка од САД, Русија и земјите од Блискиот исток во решавањето со предизвиците предизвикани од големиот бран на бегалци кои сакаат да влезат во Европа“, изјави денеска германската канцеларка Ангела Меркел.
Таа изјави во германскиот парламент дека бегалската ситуација може да се реши само со обрнување на внимание на последиците од егзодусот.
„Тоа може да се реши само со поддршка на нашите трансатлански партнери – САД, како и Русија и државите од регионот Блискиот исток, поради лошата ситуација во Сирија“, изјави Меркел.
Таа додаде дека договорот на лидерите на ЕУ за издвојување на најмалку една милијарда долари за сириските бегалци на Блискиот исток претставува прв чекор, кој мора да се награди.
„ Сега мораме да го искористиме овој сигнал за да оствариме напредок во врска со деталите“, нагласи Меркел.
Лидерите на ЕУ одлучија вечерва на самитот во Брисел да го засилат обезбедувањето на спорните граници на европскиот блок и да ја зголемат помошта на хуманитарните агенции кои се грижат за бегалците на Блискиот исток.
