Тони Шеј е извршен директор на Zappos, а неговото богатство се проценува на 840 милиони долари.
Шеј собра многу пари откако во 1999 година ја продаде својата компанија LinkExchange, на Microsoft за 265 милиони долари.
Актуелната компанија што ја поседува, Zappos, пак, е најголемата онлајн продавница за чевли во светот.
Според проценките Шеј би можел да си купи приватен остров во секој миг, но аместо да се оддаде на луксузен начин на живот, тој продолжува да живее во …приколка.
Шеј дури си купил караванен парк во Лас Вегас, каде што е сместена и неговата приколка.
„Тој не се грижи за парите. Дури и да има 1 долар во џебот, Шеј ќе биде среќен доколку луѓето околу него се радуваат“, вели Ерик Мур, еден од првите инвеститори во Zappos.
