Научниците открија сосем нов вид џиновски пајак на Блискиот Исток, кој се крие под пустинскиот песок на израелско-јорданската граница.
Научниците открија сосем нов вид џиновски пајак на Блискиот Исток, кој се крие под пустинскиот песок на израелско-јорданската граница.
Должината на неговите нозе изнесува дури 15 сантиметри, а наречен е Cerbalus Aravensis и претставува најголем вид на пајак на Блискиот Исток. „Вистинска реткост е да се најде нов вид на пајак, барем во овој дел од светот и уште да е толку голем.“, рече биологот Ури Шамас, од универзитетот Haifa-Oranim во Израел, кој и го откри новиот вид, пишува Wired.
Многу нешта претставуваат мистерија кај овој огромен пајак, но научниците забележале дека тој воглавно се движи ноќе, заради екстремно големите горештини во текот на денот. Cerbalus живее во подземно засолниште, чиј влез има камуфлирана врата, која се отвора кон горе, а пајакот е многу трпелив ловец, кој може исклучително долго време камуфлиран и неподвижен да чека да се приближи пленот, било тоа да е скакулец или гуштер.
Сепак, Шанас тврди дека новооткриениот вид е во голема опасност, бидејќи неодамна израелската влада одобри рударски проект во наведениот регион, кој би можел овој вид да го збрише од лицето на земјата.