Возeњето на супер автомобил низ градските улици најчесто причинува голема забава. Од друга страна има и такви случаи во кои обидот да се испадне „мангуп“ завршува неуспешно и со неколку уништени автомобили.
Несреќата регистрирана на ова видео, а во која главен протагонист е возачот на Aventador се случила во Лондон, а е снимена од страна на случаен минувач. Иако не изгледа како Lamborghini-то да се движи премногу брзо, сепак треба да се има предвид дека станува збор за тесна улица со густ сообраќај во кој возачите (како оној на автомобилот Mazda5), се обидуваат да си отворат пат.
Да скратиме, Mazda5 излегува од кривина, Lambo-то налетува одзади и настанува судар при кој супер автомобилот се крева во воздух и слетува во BMW Серија 3.
