„Што постаро, тоа подобро“ не важи само за виното, туку и за автомобилите. Носталгичните авто-љубители ќе уживаат во овој времеплов.
90-те години на минатиот век беа убави на многу полиња, а особено на полето на автомобилизмот. Токму од тие времиња потекнуваат неколку легендарни спортски спринтери, како Ferrari F50, McLaren F1 и Vector W8 Twin Turbo.
Денес се вистинска колекционерска пасија, а на аукциите достигнуваат вртоглаво високи суми. Најбрзиот во листата McLaren F1, на пример, годинава е продаден за сума од неверојатни 11 милиони евра. Истиот тој автомобил во 1997-та чинеше околу 800.000 евра.
Сеедно, одиме на листата. Автомобилите се подредени по еден од најважните параметри во спортската авто-индустрија – способноста за забрзување до 100 км/час од позиција на мирување.
Toп 10 најбрзи спринтери од 90-те:
10. Dodge Viper GTS (1997) — 4.0 СЕКУНДИ
9. Dodge Viper GTS (1996) — 4.0 СЕКУНДИ
8. Porsche 911 Turbo (1994) — 4.0 СЕКУНДИ
7. Dodge Viper GTS (1998) — 3.9 СЕКУНДИ
6. Mosler Raptor (1996) — 3.9 СЕКУНДИ
5. Ferrari F50 (1997) — 3.8 СЕКУНДИ
4. Vector W8 Twin Turbo (1991) — 3.8 СЕКУНДИ
3. Porsche 911 Turbo S (1997) — 3.7 СЕКУНДИ
2. Porsche 911 Turbo (1995) — 3.7 СЕКУНДИ
1. McLaren F1 (1994) — 3.2 СЕКУНДИ.
