Корисниците на социјалните мрежи почнаа да споделуваат фотографии со мачки во знак на солидарност со Барселона непосредно по нападот во Ла Рамбла и вториот во крајбрежното одморалиште Камбрилс, во кои беа убиени 13 лица, а над 100 беа повредени, соопштува британскиот весник Daily Telegraph.
Споделувањето на слики со мачки започна на Твитер, очекувано, а како одговор на барањата од шпанската полиција да не се споделуваат фотографии од жртвите на социјалните мрежи.
„Во знак на почит кон жртвите и нивните семејства, ве молиме не споделувајте фотографии на настрадани при судирот со хаштаг #Ramblas или #Barcelona“, повика шпанската национална полиција.
Добар дел од интернет го прифати советот, па на Твитер почнаа да никнуваат фотографии со мачки со коментари: „Ако терористите го следеа хаштагот за да добијат информации за/од полицијата, сега ќе гледаат само мачки“.
„Ќе објавуваме слатки фотографии со мачки, за да не можат убијците да ја користат пролеаната крв и нанесената болка“, вели друг твит. „Помогнете ѝ на полицијата. Твитнете мачка со хаштаг #Barcelona“.
„Изгледа бесмислено, но слична реакција имаше и во Брисел, со што корисниците помогнаа за сокривање на сликите/видеата од полициската активност додека се случуваше сето тоа“, вели извесна Сара Крисп.
Колку е ефикасна тактиката и дали можеби постои подобар начин, останува отворено прашање. Но ете, чудни се патиштата интернетови.
Authorities asked sharing images be stopped. Cat photos being used to saturate hashtag #Barcelona & bury insensitive and traumatic images pic.twitter.com/y92ISBokfH
— Sarah Crisp (@sairydust) August 17, 2017
