Златната топка за Родри, рекордер е Меси

Играчот од средниот ред на шпанската репрезентација и Манчестер Сити, 28-годишнниот Родриго Ернандез Каскант, попознат како Родри, е 46-тиот играч кој ја освоил наградата „Златна топка“ која фанцускиот спортски магазин France Football ја доделува од 1956 година.

Во изборот учествуваа 100 новинари од 100-те најдобро рангирани нации според ФИФА, а претходно редакциите на L’Equipe и France Football избраа 30 номинирани. Сезонава се оценуваше индивидуален настап, колективен настап и фер-плејот.

Прв носител беше Британецот Стенли Метјуз кој тогаш славеше пред Алфредо Ди Стефано и Рејмонд Копа.

Рекордер е Аргентинецот Лионел Меси, кој го прими ова најпрестижно признание во фудбалскиот свет дури осум пати. Награда пет пати ја освојуваше Португалецот Кристијано Роналдо, а по три Мишел Платини, Јохан Кројф и Марко ван Бастен.

Најмногу награди доби Аргентина, осум, а сите ги освои Меси. Француските, германските, холандските и португалските фудбалери освоија по седум награди.

Што се однесува до клубовите, 12 пати победници доаѓаа од Реал Мадрид и Барселона, а осум пати од Јувентус и Милан.

Во женска конкуренција наградата се доделува од 2018 година, а прва славеше Норвежанката Ада Хегерберг. Шпанките Аитана Бонмати и Алексија Путелас се рекордери со по две титули.

КОНЕЧЕН РЕДОСЛЕД:

1. Родри (Манчестер Сити)
2. Винисиус Жуниор (Реал Мадрид)
3. Џуд Белингем (Реал Мадрид)
4. Дани Карвахал (Реал Мадрид)
5. Ерлинг Халанд (Манчестер Сити)
6. Килијан Мбапе ( ПСЖ и Реал Мадрид)
7. Лаутаро Мартинез (Интер)
8. Ламине Јамал (Барселона)
9. Тони Крос ( Реал Мадрид)
10. Хари Кејн ( Баерн)
11. Фил Фоден ( Манчестер Сити)
12. Флоријан Вирц ( Баер Леверкузен)
13. Дани Олмо (Барселона)
14. Адемола Лукман (Аталанта)
15. Нико Вилијамс (Атлетик Билбао)
16. Гранит Џака (Баер Леверкузен)
17. Федерико Валверде (Реал Мадрид)
18. Емилијано Мартинез (Астон Вила)
19. Мартин Одегард (Арсенал)
20. Хакан Чалханоглу (Интер Милан)
21. Букајо Сака (Арсенал)
22. Антонио Рудигер (Реал Мадрид)
23. Рубен Диас (Манчестер Сити)
24. Вилијам Салиба (Арсенал)
25. Кол Палмер (Челзи)
26. Деклан Рајс (Арсенал)
27. Витиња (ПСЖ)
28. Алехандро Грималдо (Баер Леверкузен)
29. Матс Хумелс / Артем Довбик (Рома)