Српскиот претседател Александар Вучиќ во градот Станари во БиХ изјави денеска дека „Србите од Косово и Метохија ќе продолжат да живеат во јужната српска покраина и покрај желбата на привремените институции на премиерот на Приштина Албин Курти и многу други да исчезнат од тие области“, јави дописникот на МИА од Белград.
-Србите од Косово и Метохија ќе останат на Косово и Метохија и покрај желбата на Албин Курти и Ненад Чанак и Соња Бисерко и многу други Србите од Косово и Метохија да исчезнат, рече Вучиќ одговарајќи на новинарски прашања да коментира за тоа што Владата во Приштина објави дека претседателката на Хелсиншкиот комитет во Србија, Соња Бисерко и поранешниот лидер на Лигата на социјалдемократите на Војводина (ЛСВ), Ненад Чанак, го информирале Курти дека Вучиќ наводно сакал да ги пресели Србите од Косово и Метохија во Санџак, соопшти РТС.
Вучиќ додаде дека во животот видел разни циркуси, но дека никогаш не видел циркус каков што се подготвени да направат Албин Курти, Соња Бисерко и Ненад Чанак.
-Немаше да ми текне да смислам такво нешто. Кратко, но глупаво, изјави Вучиќ.
