Samsung Mobile ќе биде една од најактивните компании на претстојниот Саем на технологија IFA 2013 во Берлин. Како најава за промоциите на Samsung е лансирано ново видео во кое е откриено дека Корејците соработуваат со вонземјани за напредната технологија на Galaxy уредите.
Ова е многу креативен потег на Samsung Mobile за да го привлече вниманието на IFA 2013 каде ќе присуствуваат огромен број на производители, а секако најочекуван уред ќе биде токму Samsung Galaxy Note III, новиот фаблет за кој има бројни шпекулации за неговите напредни спецификации.
Досега Samsung го користеше мотото „Дизајниран за луѓе„ (Designed for humans), но сега тоа се менува со слоганот „Дизајниран од вонземјани“ (Designed by Aliens) за да се истакне супериорната технологија која ја поседуваат Galaxy мобилните уреди. Во продолжение погледнете го ова видео во кое е прикажан еден обичен ден на работа во лабораториите на Samsung каде се присутни и вонземјаните.
[youtube]http://youtu.be/fs81TTSMIFk[/youtube]
Текстот е објавен во соработка со telefoni.com.mk
