Свечената академија по повод Денот на ослободувањето на Битола се одржа во Центарот за култура, каде што беа доделени четвртоноемвриските награди.
Градоначалникот на Битола Тони Коњановски во своето обраќање истакна дека утрото на 4 ноември 1944 година припаѓа на вечната меморија на градот, бидејќи тогаш се оствари долгоочекуваната радост на слободата и надежта за мирен живот.
Тој нагласи дека тешко стекнатата слобода пред 82 години ги прави горди на културно-историските вредности и напредокот на Битола, а дека наследството на борбата и храброста на предците живее во посветеноста кон вредностите на слободата, правдата и мирот.
Добитниците на наградите ги соопшти претседателот на Советот Бојан Бојкоски, кој истакна дека локалната самоуправа континуирано работи на реализација на проекти и зајакнување на меѓународната соработка со цел подобрување на условите за живот и создавање можности за младите генерации.
