Вселенското летало „Starliner“ на американскиот концерн „Boeing“ слета без екипаж во пустината Ново Мексико во петокот по тримесечна пробна мисија отежната од технички проблеми што ги принудија астронаутите да останат на Меѓународната вселенска станица (ISS) до следната година.
Астронаутите на американската агенција за вселенски истражувања NASA, Буч Вилмор и Сани Вилијамс, кои беа првиот екипаж што леташе со „Starliner“ во јуни, останаа на Меѓународната вселенска станица додека леталото го започна своето шестчасовно патување до Земјата во петокот во 18:04 ET (22:04 GMT) со помош на потисниците, за што минатиот месец објави NASA, се сметаше дека е премногу ризично за екипажот.
Според директниот пренос на NASA, сондата „Starliner“ се врати на Земјата без инциденти и успешно ја заврши последната фаза од својата мисија.
Леталото влезе во атмосферата на Земјата со орбитална брзина од приближно 27.400 километри на час. Околу 45 минути подоцна, тоа ги отвори своите падобрани за да го забави спуштањето, а неколку моменти пред да се допре во космодромот Вајт Сендс, во сувата пустина во Ново Мексико, надува сет воздушни перничиња.
Иако мисијата требаше да биде последен пробен лет пред NASA да го потврди „Starliner“ за рутински мисии, сертификацијата на леталото е неизвесна, бидејќи агенцијата минатиот месец одлучи дека астронаутите ќе останат на станицата, и покрај тоа што враќањето на леталото на „Boeing“ беше без проблеми.
Вилмор и Вилијамс, снабдени со дополнителна храна и залихи, ќе се вратат на Земјата со вселенско летало на „SpaceX“ во февруари 2025 година. Осумдневниот тест, така, се претвори во осуммесечна мисија.
Меѓународната вселенска станица, научна лабораторија со големина на фудбалско игралиште на околу 402 километри над Земјата, е дом на уште седум други астронаути кои пристигнаа во различни периоди со други вселенски летала, вклучувајќи го и руски „Сојуз“, кое засега е главниот транспорт со кој на ISS се префрлуваат и американските астронаути.
Пробната мисија на „Starliner“ и летовите на „Dragon“ на „SpaceX“ се дел од интензивираните американски напори за ослободување од зависноста од руските ракети.
Се очекува Вилмор и Вилијамс да продолжат да спроведуваат научни експерименти до нивното враќање.
