Изгледа неверојатно, но индонезискиот фудбалер Андик Вермансајх изјави дека Вардар се интересира за неговите услуги, талентираниот играч се поврзуваше и со Интер.
Вардар, Интер, Бенфика и Новара се интересираат за услугите на индонезискиот “Меси”, Андик Вермансајх.
Талентираниот 21-годишен фудбалер за индонезискиот веб сајт Tempo, откри дека Вардар е еден од клубовите кои се интересираат за него.
„Неколку клубови се интересираат за мене, а еден од нив е и Вардар од Македонија. Немам досега официјални контакти со луѓето од овој клуб, но има време за тоа бидејќи сеуште сезоната е во тек” – изјавил Вермансајх.
„Досега немало интерес за индонезиски фудбалери од Европа, но повеќе не е така. Полека почнувам да размислувам за трансфер во некој европски клуб”.
Во наредниот период останува да видиме дали актуелниот македонски шампион навистина пројавува интерес за овој талент и планира посериозно да го засили тимот со цел да биде поконкурентен во квалификациите за европските натпреварувања.
[youtube]http://youtu.be/0pSsZ-eqU9U[/youtube]
Текстот е објавен во соработка со 24Фудбал.
