По повод фестивалот на Сао Педро, во Камара де Лобос, на островот Мадеира во Португалија, група уметници поставија светла направени од бубањи на стари машини за перење. Поточно – 133 машини за перење, кои тимот ги собирал 6 месеци.
Некои се од ѓубре, некои се донирани од сопствениците кои веќе не можеле да ги користат. Првичната замисла била да се соберат 100 бубањи, ама ете, нови и нови не престанувале да пристигнуваат.
Проектот предизвика силна позитивна реакција, а и изгледа прекрасно. Сепак, носи и порака: Teatro Metaphora (тимот зад проектот) е асоцијација која промовира еколошка добросостојба и одговорна употреба на материјалите (рециклажа).
