Тие се согласуваат на моделот што го предложија Владата и МОН, а кој се темели на: воведување нов систем М-студентски оброк; вкупните средства на месечно ниво да се покачат од 3.500 денари на 4.500 денари – на месечно ниво; јавно објавен список на оператори и маркети каде што ќе можат да ги користат средствата; попустите да важат до крајот на месецот, без разлика дали студентот ја потрошил сумата од 4.500 денари.
Притоа студентите нагласуваат дека имаат два услова.
„Овие услови да бидат внесени во законот за субвенциониран студентски оброк, а листата на компаниите и мерките да биде јавно објавена пред стапување на сила на овој закон. Овој модел го прифаќаме по консултациите со студентите во нашите организациски ентитети“, се нагласува во соопштението на претставниците на студентите.
