Струга Трим Љум го победи Вардар со 1-0 во дербито со кое заврши 12. коло во Првата македонска фудбалска лига. Во вториот натпревар од денешниот термин, Башкими славеше против Арсими со 2-1.
За актуелниот македонски шампион ова беше трет сезонски пораз, а втор од Струга, која го доби и августовскиот меѓусебен дуел со ист резултат.
Со овој исход Струга стигна до 26 бода и остана на еден помалку од Шкендија, со која ја очекува дуел во наредното коло. Вардар останува на 21 бод и во следната рунда го чека гостување кај Силекс во Кратово.
Во Куманово, Башкими го победи Арсими благодарение на головите на Ристовски и Рибеиро, што му го донесе третиот сезонски триумф.
