Од древни времиња, низ светот се одвиваат најразлични фестивали што ги одбележуваат премините помеѓу годишните времиња и крајот и почетоците на жетвите. Денес, таков е „Wara Art“ фестивалот во провинцијата Ниигата, Јапонија. По повод завршувањето на оризовата берба, жителите на Ниигата го користат вишокот сено што се добива при процесот, и тоа на многу забавен и креативен начин. Тие креираат џиновски скулптури од сено, кои пак привлекуваат илјадници луѓе од светот да го посетат фестивалот.
Во основата на скулптурите, всушност се крие дрвена конструкција, но тоа никако не ги прави помалку импресивни.
