Сет Мекфарлан ќе биде водител на следното издание на Оскарите. Продуценти на настанот ќе бидат Крег Задан и Нил Мерон кои изјавија: „Возбудени сме што ќе го имаме Мекфарлан како водител.“
„Неговиот талент за изведби совршено се совпаѓа со нашите идеи за внесување нешто свежо во настанот. Тој ќе биде водителот и ние сме пресреќни за тоа.“ Мекфарлан, кој создаде империја за анимации со неговите комедии Family Guy, American Dad и The Cleveland Show, ова лето имаше режисерско деби со филмот Ted.
Покрај режијата, Мекфарлан му го позајми својот глас и на мечето Тед. Во филмот, кој заработи 420 милиони долари, се појавија и Марк Волберг и Мила Кунис. Мекфарлан беше водител и на првата епизода од новата сезона на Saturday Night Live, и го претстави својот албум Music is Better than Words.
Минатата година Били Кристал се врати како водител откако Еди Марфи се премисли по повлекувањето на Брет Ратнер како продуцент. [Seth MacFarlane’s grit could transform the Oscars back to a pearl]
