Еден од најистакнатите играчи на Реал Мадрид, Винисиус Јуниор, се надеваше на освојување на „Златната топка“ за најдобар фудбалер на светот. Иако долго време се сметаше за еден од фаворитите, наградата му припадна на играчот на Манчестер Сити, Родри.
По објавувањето на победникот, Винисиус се обиде да го задржи својот мир, но на социјалните мрежи објави порака која покажува дека не останал рамнодушен на овој исход.
„Ќе работам десет пати повеќе ако е потребно. Организаторите не се подготвени за важни одлуки,“ напиша Бразилецот, јасно истакнувајќи дека нема да се откаже од својот сон да стане најдобар играч на светот.
Неговиот соиграч од Реал Мадрид, Едуардо Камавинга, исто така изрази незадоволство од резултатите и му даде поддршка на Винисиус, нарекувајќи го „најдобар на светот“.
„Оваа награда ти припаѓа тебе, и ништо не може да ти ја одземе. Ова е само фудбалска политика. Ти си најдобар на светот,“ напиша Камавинга.
Винисиус, разочаран што не ја доби престижната награда, одлучи да не патува за Париз, а истото го направи и неговиот соиграч Џуд Белингем.
