На веб-сајтот English Russia, се појави чуден наслов – „Падна снег? Време е да посипеме асфалт“. Иако шегите за Русија и дека таму се функционира обратно се прилично популарни на Интернет, ова не е една од нив. Сликите наведени подолу се доказ дека Русите прееферираат да посипат асфалт, наместо да го исчистат снегот.
И самите руски граѓани се збунети од ваквиот чекор „Можеби не разбираме нешто поврзано со технологијата на поставување асфалт, но сепак, ова изгледа многу чудно“. И навистина, општо-познато е дека асфалтот се поставува на суви и рамни места, а снегот дефинитивно може да го оштети. Тогаш, што е идејата зад сето ова?
Наводно, се работи за корупција. Како што претпоставуваат некои од граѓаните, локалните власти ја доделуваат изградбата на свои/блиски фирми, кои исто така се задолжени и за одржување на улицата. Бидејќи се трошат буџетски пари, во интерес на фирмите е што побрзо да дојде до оштетувања, за да можат повторно да „ќарат“ дел од буџетот на локалните општини.
Што мислите вие? Имате поинакво објаснување? Очекувате ли во иднина истото да го видиме и на нашите улици?
