И рускиот патријарх Кирил – првиот човек на Руската православна црква, се вклучи во борбата против коронавирусот. Во црн автомобил со затемнети стакла, придружуван од икона на Св. Богородица и со молитва, рускиот патријарх помина 108 километри по главниот автопат околу Москва, која е под каpaнтин, осветувајќи ја престолнината на Русија со надеж дека ќе ја искоpeни епидeмијата.
Поворката, придружувана и од полициски возила со вклучени сирени, беше пренесувана во живо на верската телевизија СПАС. 73-годишниот патријарх рецитираше молитва против пандемијата на Ковид-19 и ги повика и верниците, кои се дома, да се молат заедно со него против коpoнавирусот, се вели во соопштението објавено на официјалниот сајт на РПЦ.
Patriarch Kirill of the Russian Orthodox Church is driving around Moscow’s ring road in a Mercedes van, accompanied by a police escort, with a holy icon and praying for the coronavirus pandemic to end. pic.twitter.com/MEkMDrQ0xw
— max seddon (@maxseddon) April 3, 2020
Според официјалните податоци објавени вчера, досега во Русија има 4.149 потврдени случаи и 34 пoчинaти. Путин, за да го спречи ширењето на коронавирусот, го прогласи април за неработен месец, со тоа што Русите и понатаму ќе ги добијат своите плати.
Најголем дел од регионите во земјата имплементираа слични мерки на самоизолација, затворајќи ги несуштинските бизниси како ресторани и кафулиња.
На почетокот на епидемијата, Руската православна црква се противеше на затворање на црквите, но ситуацијата на терен го примора Патријархот Кирил да ретерира, па неодамна ги повика верниците да се молат од дома.
Руската православна црква, која е близок сојузник на Кремљ, има повеќе од 150 милиони верници.
