Системи за лансирање ракети способни да носат нуклеарно оружје се ставени во состојба на готовност, јавија руските државни медиуми, пренесува Њузвик.
Новинската агенција ТАСС објави видео за кое вели дека ги прикажува системите за лансирање на интерконтинентални балистички ракети (ИЦБМ) лоцирани во Новосибирск, во Сибир. На видеото снимено преку ден се гледа како оружјето се вади од магацин.
Агенцијата објави дека се проверува „подготвеноста на персоналот и опремата за ситуацијата на теренот“.
Јарс РС-24 (НАТО ознака СС-29) е стратешка нуклеарна ракета со дострел до 12.000 километри и распон на прецизност од 250 метри. Може да се постави на носачи на камиони или да се распореди во силоси.
Од почетокот на инвазијата врз Украина во февруари 2022 година, рускиот претседател Владимир Путин упатуваше закани за употреба на нуклеарно оружје, кои беа засилени од пропагандистите на Кремљ, кои ги фалат нуклеарните способности на Москва и се закануваат со напади врз земјите кои го поддржуваат Киев.
Путин минатиот месец најави промени во нуклеарната доктрина на Москва, во кои се наведени околностите под кои Русија може да користи нуклеарно оружје. Промените вклучуваат можност за негова употреба против држави кои имаат поддршка од нуклеарни сили, што би можело да се однесува на Украина доколку Западот и дозволи да користи оружје со долг дострел на руска територија.
🇷🇺☢️ Novosibirsk missile formation deploys Yars mobile missile launchers on combat patrol routes.
Strategic missilemen conduct tasks and practise scenarios, including intensive manoeuvring on combat patrol routes as part of a combat alert duty.
Yars mobile land-based missile… pic.twitter.com/4nnfX7OAa1
— Maimunka News (@MaimunkaNews) October 7, 2024
