Русија започнува трговска војна со Турција

Како одговор на нападот против бомбардерот Су-24 од борбен авион на турските воздухопловни сили, Русија го ограничува увозот на стоки од Турција, соопшти весникот “Коммерсант”.

Проблемите на давателите веќе почнаа на царинските пунктови, а загрозен е и увозот на турски автомобилски делови, што може да се одрази лошо на руските автомобилски фабрики.

Русија во најскоро време ќе го ограничи снабдувањето на стоки од Турција, ова може да биде објавено официјално уште денеска, вели пред изданието извор од руското министерство.

Ембарго, како во случајот со ЕУ, САД, Австралија, Норвешка и Канада нема да има, барем во краткорочна перспектива, наведува владин службеник. Сега се размислува преку кои механизми може да се ограничи увозот.