Црногорците од 30 декември ќе мора да имаат виза за Русија
Според објаснувањето на руската амбасада, Црна Гора официјално ја известила Русија за повлекувањето од договорот. Имајќи го предвид датумот на известувањето, договорот престанува да важи на 30 декември годинава.
„Од овој датум државјаните на Црна Гора ќе можат да влезат во Руската Федерација со визи за сите видови пасоши, во согласност со Федералниот закон за постапката за излез од Руската Федерација и влез во Руската Федерација од 15 август 1996 година“, се наведува во соопштението на амбасадата.
Руската амбасада додаде дека граѓаните на Црна Гора можат да најдат дополнителни информации за постапката за добивање виза на нејзината официјална интернет-страница.
Црна Гора воведува визи за државјаните на пет земји
Според одлуката на црногорската влада, од недела, 1 ноември, визи за влез во Црна Гора ќе им бидат потребни на државјаните на Русија, Белорусија, Турција, Кина и Саудиска Арабија, освен ако ги исполнуваат условите за ослободување од визната обврска.
Промената е дел од усогласувањето на црногорската визна политика со правилата на Европската Унија, што е една од обврските на Црна Гора во процесот на пристапување кон ЕУ. Владата во Подгорица ја донела одлуката во јули, а новите правила почнуваат да се применуваат од 1 ноември.
Извор: МКД.мк
