Ријана се изненади од најновата насловна на магазинот „Sunday Times“ на која нејзиниот лик бил споен со ликот на принцезата Дајана. Под фотографијата пишува дека Ријана е модната икона на новото време како што некогаш била принцезата од Велс.
Токму таквата „титула“ ѝ ја доделила американската писателка Камил Паглиа која смета дека има многу заедничко меѓу 24-годишната пејачка Ријана и трагично загинатата принцеза Дајана. Паралелата ја направила откако ги изучила боиографите и личните карактеристики на двете жени и дури се обидела да ги спореди нивните партнери, односно пејачот Крис Браун и принцот Чарлс.
Во статијата во магазинот авторката наведува дека тие поседуваат ист или барем сличен шарм и провокативност.
Ријана која деновиве го промовираше најновиот спот за песната „Stay“ на својот блог напишала:
„Кога твоето лице е споено со лицето на принцезата Дајана и тоа на насловната на „Sunday Times“…тоа е извонредно“.
