Првиот луксузен приватен џет со HD екрани наместо прозори

Прозорите се сериозен проблем за авионите. Го ослабуваат трупот, додаваат на тежината и го забавуваат леталото. Затоа, првиот приватен суперсоничен џет Spike S-512, нема да има ниту еден прозорец. Наместо тоа, патниците ќе уживаат во панорамски видео екрани, преку кои ќе можат да ја набљудуваат надворешноста во реално време.

Целата надворешност на трупот ќе биде опремена со микро-камери, поврзани со заоблениот дисплеј во интериорот на авионот, кој патем, ќе се протега низ целата должина и ќе им овозможи на патниците да уживаат во непречен поглед на облаците и синото небо. По избор, патниците ќе имаат можност и да го затемнат екранот, а постои и опција целосно да биде исклучен.

Инаку, сето ова ќе се случува при брзина од 2200 километри на час, додека патниците уживаат во удобните сепариња, пиејќи скапи вина.

Звучи како лукзус, ама со оглед на тоа џет-авионот вреди 80-милиони долари, ваквиот чекор е потполно возможен и очекуван, а преоѓа и во тренд. Дури и луксузниот брод Royal Caribbean ги опреми собите со HD екрани со поглед на морето, за да изгледа како собите да имаат балкон.