Според информациите од Бајрами, на Инфективното одделение биле прегледани вкупно 111 пациенти, додека на Одделението за педијатрија се забележани 75 случаи, а во Ургентниот центар имало 12 пациенти.
Бајрами изјави дека не се забележани промени во клиничката слика на пациентите.
„Клиничката слика продолжува да се карактеризира со стомачни проблеми, а поретко со треска и покачена телесна температура“, истакна Бајрами.
Министерот за здравство, Сашо Клековски, на прес-конференцијата вчера соопшти дека од почетокот на епидемиолошката состојба биле регистрирани речиси 3.100 здравствени контакти преку Здравствениот дом, Општата болница, телефонските јавувања и интервенциите на Итната медицинска помош. Клековски посочи дека првиот преглед бил извршен на 14 јули, а на 19 јули забележано е првото намалување на бројот на приеми, што според здравствените власти претставува прв сигнал за стабилизирање на состојбата.
