Прочитајте неколку интересни нешта, што никој не им ги кажува на мажите, пред да станат татковци.
Кога ќе го однесеш детето во парк, убавите жени ќе ти се смешкаат повеќе од порано. Имај на ум дека тоа е поради детето, за случајно да не направиш лош чекор.
Не очекувај веднаш да ја усовршиш техниката на пакување на сите потребни нешта, за прошетка со бебето. После некое време вежбање, ќе станеш мајстор во диплење на нештата, но дотогаш биди трпелив.
Не дека не забележуваш ни сега, но кога ќе добиеш дете, дури тогаш ќе започне да ти „боде очи“ сета нечистотија во јавниот тоалет. Исто така, тогаш ќе сфатиш дека во машките тоалети не постои маса за пресоблекување на децата.
Пред своите деца ќе се глупираш како пред никој друг. Сето тоа, само за да ја видиш таа прекрасна насмевка, која ти го разубавува животот.
Ќе ја совладаш способноста на глумење дека новата игра за која што зборува детето, многу те интересира. Понекогаш тоа е вистински предизвик, но со времето станува се полесно.
Многу е веројатно дека малиот случајно, во текот на играта, ќе уништи барем нешто од твоите омилени предмети во домот. Ако ништо друго, макар ќе ја исфлека маицата што најмногу ја сакаш. И не, нема да бидеш лут.
Со текот на времето ќе се претвориш во своите родители, и ќе го говориш она што си го слушал за време на целото детство. На пример „Дали јас ти изгледам како банкомат?“
На крајот без оглед на тоа колку ќе изгледаш строг пред малото, кога ќе станеш татко, секогаш ќе имаш „слаба точка“.
