На сите им се случува да не можат да го најдат она што им треба во моментот, без разлика дали станува збор за ќеса или за сукало. Пред вас се неколку практични идеи за замена на нештата што недостасуваат, што ќе им се најдат и на оние што мислат дека веќе ги знаат сите трикови.
На сите им се случува да не можат да го најдат она што им треба во моментот, без разлика дали станува збор за ќеса или за сукало. Пред вас се неколку практични идеи за замена на нештата што недостасуваат, што ќе им се најдат и на оние што мислат дека веќе ги знаат сите трикови.
Означете го почетокот на лентата со чепкалка за заби и никогаш повеќе нема да мора да ги уништувате ноктите и да го касапите салотејпот.
Откако ќе ги потрошите марамиците зачувајте ја кутијата во која што ќе наредите ќеси. Ова е едноставен практичен начин на распоредување на ќесите за да ви бидат при рака без да заземат место или да направат неред.
Ако треба да запалите повеќе свеќи наеднаш нема потреба да ги горите прстите на загреаната запалка. Запалете една шпагета што ќе ви послужи безболно да ги запалите дури и оние свеќи сместени во чудни, тешко достапни свеќници.
Ако немате калапи со интересни форми, вашите колачиња сепак не мора да изгледаат идентично. Искористете различни чашки – округлите, овалните и четвртастите отвори, како и нивните различни големини ќе ви помогнат да направите колачиња во различни големини.
Ако случајно не може да го најдете сукалото, тестото може да се развлече и со стаклено шише за вино. Прекријте го тестото со масна хартија или целофан, цврсто фатете го вратот на шишето и почнете!
Дури и на оние што ретко прават торти некогаш ќе им затреба заштитна кутија што тортата ќе ја изолира од останатите мириси во фрижидерот. За шлагот да не се исуши ставете ја тортата на чинија поголема од неа, а одозгора превртете голем длабок сад за салата.
