Според Владата во Киев, Москва ја променила тактиката во војната со Украина, која трае веќе 15-ти месец и почнала намерно да изведува ракетни напади врз станбени области.
„Нема сомнеж дека тие вршат директни напади врз станбени згради или места со многу куќи, кои припаѓаат на цивилното население“, изјави советник на украинскиот претседател Володимир Зеленски, Михајло Подољак.
Една од целите на промената на тактиката, според него, е да се предизвика брза контраофанзива.
„Најновите ракетни напади имале за цел да тестираат дали Украина може да го одбрани сопствениот воздушен простор“, посочи Подољак.
Извор: МИА
